Bobby Whitlock

Bobby Whitlock
Whitlock på B.B. King Blues Club & Grill i New York City i september 2015
Fødd	18. mars 1948 (76 år)
Fødestad	Memphis i Tennessee i USA
Fødenamn	Robert Stanley Whitlock
Opphav	USA
Aktiv	Sidan 1965
Sjanger	Rock, soul, gospel, blues
Instrument	Vokal, klaverinstrument, gitar
Tilknytte artistar	Delaney & Bonnie and Friends, Derek and the Dominos, Eric Clapton
Plateselskap	Stax, Elektra, Atco, ABC-Dunhill, Capricorn, Swan Song, Grapevine, Domino
Verka som	Musikar, songar-låtskrivar

Robert Stanley Whitlock (fødd 18. mars 1948) er ein USA-amerikansk songar, låtskrivar og musikar. Han er mest kjend som medlem av bluesrockbandet Derek and the Dominos med Eric Clapton i 1970 og 1971. Karrieren til Whitlock byrja med Memphis soul-artistar som Sam & Dave og Booker T. & the M.G.'s før han vart med i Delaney & Bonnie and Friends i 1968. Dette førte til at Whitlock deltok på innspelinga av George Harrison-albumet All Things Must Pass i London i 1970 og at Clapton tok han med i Derek and the Dominos. På det einaste albumet til bandet, det kritikarroste Layla and Other Assorted Love Songs, skreiv Whitlock eller var medlåtskrivar på, sju av fjorten songar på albumet, inkludert «Tell the Truth», «Anyday» og «Why Does Love Got to Be So Sad?»

Whitlock spelte inn fire soloalbum i 1970-åra, mellom andre Bobby Whitlock og Raw Velvet, og spelte på album av Clapton, John Lennon, Dr. John og The Rolling Stones. Han trekte seg så tilbake frå musikken før han gav ut It's About Time i 1999. Etter ette har Whitlock spelt i lag med kona si, CoCo Carmel, og sidan 2006 med andre musikarar basert i Austin i Texas.